Ош шаарынын “Алай” клубунун оюнчуусу Элхан Темирбаев коронавирустан айыгып чыкты. Бул тууралуу футолчу “Медиа центр” мультимедиалык-маалымат агенттигине билдирди.
“Оорудан сакайып чыктык. Кайталар алган анализден илдет табылган жок. Эми команда менен машыгууларды баштайбыз” – деди футболчу.
Белгилей кетсек, Элхан Темирбаев оорунун белгилери жокэкенин жана эч кандай дарылабаганын айткан.
Элхан Темирбаев 1995-жылы 2-ноябрда жарык дүйнөгө келген. Жарым коргоочу “Дордой”, “Абдыш-Ата”, “Илбирс”, “Нефтчи” командаларынын катарында ойногон. Быйыл 2020-жылы Ош шаарынын “Алай” клубу менен келишим түзгөн. Футболчу Кыргызстандын улуттук курама командасынын жаштар курамында да ойногон.
Пикирлер (0)
Пикир жок. Сиз биринчилерден болушуңуз мүмкүн