Коронавирус боюнча дүйнөдөгү кырдаал оорлой баштады

Бул тууралуу Бүткүл дүйнөлүк саламаттыкты сактоо уюмунун башчысы Тедрос Гебрейесус билдирди.

Анын айтымында, эпидемия ар кайсы өлкөлөрдө көп сандаган адамдарды өз кучагына алууда. 8-июнда вирус жуккан 136 миңден ашык учур катталды. Алардын 75%ы Түштүк жана Түндүк Америкада, ошондой эле Түштүк Азияда аныкталган.

Тедрос Адан африкалык өлкөлөрдө да коронавирус тездик менен тарап жаткандыгын билдирди.

Кошумчаласак, 9-июнга карата Кыргызстанда коронавирус жуккан жаңы 23 учур аныкталып, жалпы сан 2055ке жетти деп билдирди өлкөбүздүн саламаттыкты сактоо министринин орун басары Нурболот Үсөнбаев бүгүнкү брифингде.