Коронавирустан айыккан 302 адамдын 45и медиктер

Өлкөдө бүгүнкү күнгө карата 45 медкызматкер коронавирустан айыгып, ооруканадан чыгарылды. Бул тууралуу Саламаттыкты сактоо министринин орун басары Нурболот Үсөнбаев маалымат жыйында айтты. 

Маалыматка ылайык, илдеттен айыккандардын ичинен: 16 дарыгер, 18 орто медперсонал, 8 кенже медперсонал жана 3 башка адистер.

Эске салсак, 22-апрелге карата Кыргызстанда коронавирус илдетинен дагы 48 адам айыкты.