Коронавирус күчөй берсе, Бишкек 15-20 күнгө жабылышы мүмкүн, - Түлөбаев

Коронавирус инфекциясы күчөп кетсе Бишкек шаары 15-20 күнгө жабылышы мүмкүн. Бул тууралуу Бишкек шаардык мэриясынын аппарат жетекчиси Балбак Түлөбаев брифингде билдирди.

Анын айтуусуна караганда, элдер коронавирус тууралуу жалган маалыматтарга ишенип алууда.

“Социалдык тармактарда бул вирус жок. Бул жөн гана саясат деп жатып Бишкек шаарында коронавирус жайылып кетти. Эгерде бул ооруну жеңе албай, жайыла бере турган болсо, анда биз борбордук штабга Бишкекти 15-20 күнгө жапканга сунуш беришибиз мүмкүн. Бул биздин укугубуз", - деди Түлөбаев.