Койго 100 сом, уй менен жылкыга 250 сом. Депутат Токторбаев малга салык төлөөнү сунуштады

Бүгүн, 3-ноябрда Жогорку Кеңештин депутаты Жеңишбек Токторбаев майда малга, ири мүйүздүү мал жана жылкыга салык төлөөнү сунуштады.

Депутат мындай долбоор айыл өкмөттөрүн дотациядан чыгаруу үчүн сунушталууда.

"Биздин өлкөдө 452 айыл өкмөттүн 300дөн ашыгы дотацияда отурат. Аларды каржылоо үчүн өлкөнүн бюджетинен 1,5 миллиард сом каражат бөлүнөт.

Мындан улам биз айыл өкмөттөрүн дотациядан чыгаруу үчүн ири мүйүздүү малга 250 сом, жылкыга 250 сом жана койго 100 сомдон салык төлөөнү сунуштап жатабыз.

Муну менен малдан 1,5 миллиард сом салык түшөт.

Ошону менен айыл өкмөттөрү дотациядан чыгат ",- деди депутат.