Курманкул Зулушев канча айлык аларын айтты

Кыргызстандын Башкы прокурору Курманкул Зулушев бүгүн, 20-апрелде Жогорку Кеңештин Конституциялык мыйзамдар жана Укук тартиби комитеттеринин биргелешкен жыйынында канча айлык маяна алары тууралуу айтты.

Анын айтымында, айлык маяналарды көтөрүү коррупцияга каршы күрөштө негизги кадамдар болуп саналат.

“Айлыктар аз, ачык айтып кетсем башкы прокурордун оклады кошумчалар кошулбаганда 28 миң гана сом, орун басарлардыкы 23-25 миң сом. Облус прокурорлору 20 миң сом, райондордун прокурорлору 17,5 миң сом, орун басарлары 16,5 миң сом, жөнөкөй оператиниктер менен жардамчылардыкы 12,5 миң сом гана. Коррупция менен жигердүү күрөшөбүз десек, прокуратура таза иштесин десек айлыктарга көңүл-буруп көтөрүшүбүз керек”, — деди Зулушев.