Бүгүнкү күндө күз-кыш мезгилдерине даярдыктар көрүлүүдө. Бул тууралуу Өнөр жай, энергетика жана жер казынасын пайдалануу мамлекеттик комитетинин төрагасы Эмиль Осмонбетов 17-августтагы брифингде билдирди.
Анын айтымында, жергиликтүү өз алдынча башкаруу органдарына жана өкмөттүн облустардагы ыйгарым укуктуу өкүлдөрүнүн аппараттарына облустарда отун базаларын жана көмүр сатуу пункттарын ачуу боюнча иштери жүргүзүлүп жатат.
"Республиканын министрликтери жана ведомстволору тарабынан көмүр сатып алууга конкурстар өткөрүлүп жатат жана көмүр жеткирүүгө келишимдер түзүлүүдө, айрым мекемелер боюнча көмүр жеткирүү иштери башталды”, - деди Эмиль Осмонбетов.
Пикирлер (0)
Пикир жок. Сиз биринчилерден болушуңуз мүмкүн