Литва менен чек арадагы эки өткөрүү пунктунун жабылышынан улам Кыргызстандын 70 жүк ташуучу унаасы токтоп турат

Литванын чек арасында 90дой кыргызстандык жана 70 жүк ташуучу унаа тыгында калганын Кыргызстандын ТИМи кабарлады.

Ага ылайык, беларусь-литва чек арасында унаалардын тыгыны байкалууда. Литва тарапта эки өткөрмө пункту жабылган, ошол эле учурда Беларусь жакта эч кандай чектөө жок.

Эки өлкөнүн чек арасында дагы 4 өткөрүү пункту иштеп жатканы белгилүү болгон.

"Министрлик Кыргызстандын Беларустагы элчилиги менен биргеликте мекендештерге зарыл жардам көрсөтүү үчүн чек арадагы кырдаалды көзөмөлдөп жатат", — деп айтылат билдирмеде.

ТИМ Литвадан чектөөлөр боюнча маалымат күтүп жатканын билдирди.