Манасчы Дөөлөт Сыдыков: Мен Кыргызстандан айла жок кеттим

Мен Кыргызстандан айла жок кеттим. Мындай пикирин манасчы Дөөлөт Сыдыков BBC кыргыз кызматына билдирген.

Анын айтымында, ал үй-бүлөсү менен өлкөдөн чыгып кетүүгө мажбур болгон.

"Менин өлкөдөн чыгып кетишим аргасыздыктан болду. Башка жол калбай калды.

Буга чейин айтканымдай эле президенттин айланасындагы адамдар менен "Манас айылынын" жерин талашып, келишпей келгенбиз.

Алар тараптан кысым болгондуктан мен жумушта өргүүдө болгонума карабай чакырып алды. Мен арызымды жазып кетүүгө мажбур болдум",- деди Сыдыков.