Министрлер кабинетинин төрагасы Улукбек Мариповдун "Сосновка" постундагы күтүүсүз текшерүүсүнөн кийин 2 чиновникке эскертүү берилди. Бул тууралуу Министрлер кабинетинин басма сөз кызматы билдирди.
Кечээ, 14-июндагы буйрук менен кызматтык милдеттерин толук кандуу аткарбагандыгы үчүн 2 жетекчиге эскертүү берилди. Алар:
- Транспорт жана коммуникация министринин биринчи орун басары Турганбаев Алмаз Абдылдаевич;
- Транспорт жана коммуникация министрлигинин алдындагы Автоунаа, суу транспорту жана салмак-тыш өлчөм көзөмөлдөө агенттигинин директору Айтиев Шухрат Анварович.
Ошондой эле Транспорт жана коммуникация министрлигинин буйругу менен Автоунаа, суу транспорту жана салмак-тыш өлчөм көзөмөлдөө агенттигинин директорунун орун басары жана "Сосновка" постунун эки кызматкери (башкы инспектор менен улук инспектор) ээлеген кызматтарынан алынды.
Пикирлер (0)
Пикир жок. Сиз биринчилерден болушуңуз мүмкүн