Марс Ашыров Ак-Бешим айыл өкмөтүнүн башчысы болуп шайланды

Ашыров Марс Мидинович Чүй облусунун Чүй районунун Ак-Бешим айыл өкмөтүнүн башчысы болуп шайланды. Бул тууралуу БШКнын басма сөз кызматы билдирди. 

Маалыматка караганда, шайлоо 21-сентябрда өткөрүлгөн. Ак-Бешим айыл өкмөтүнүн башчысынын кызмат ордуна жергиликтүү кеңештин депутаттары көрсөткөн 1 талапкер – Ашыров Марс Мидинович катталган.

Шайлоонун жыйынтыгы менен Ак-Бешим айылдык кеңешиндеги 11 депутаттын 10у М.Ашыровго добуш берген. Ал эми 1 депутат “бардык талапкерге каршы” позициясын билдирген. Ак-Бешим айыл өкмөтүнүн башчысын шайлоодо добуш берүүнүн жыйынтыктары жана шайлоонун натыйжасы боюнча арыз, даттануулар түшкөн эмес. 

Муну менен көпчүлүк депутаттардын добушуна ээ болгон Марс Аширов Ак-Бешим айыл өкмөтүнүн башчысы болуп шайланды.