Марс Наспеков өз ыктыяры менен БШКнын мүчөлүгүнөн кетти

Жогорку Кеңештин конституциялык мыйзамдар, мамлекеттик түзүлүш, сот-укуктук маселелер жана жана регламент боюнча комитети Шайлоо жана референдум өткөрүү боюнча борбордук комиссиясынын мүчөсү Марс Наспековдун өз арызы боюнча ээлеген кызматынан мөөнөтүнөн мурда бошотуу маселесин карады.

КР президентинин тиешелүү сунушун президенттин жана министрлер кабинетинин Жогорку Кеңештеги өкүлү Алмасбек Абытов киргизди.

Комитеттин мүчөлөрү сунушту колдошуп, Марс Наспековду БШКнын мүчөсү кызматынан мөөнөтүнөн мурда токтотууну бир добуштан колдошту.