Мурас-Ордо конушунун 69 жаштагы тургунунун денеси каналдан табылды

Аламүдүн районундагы Мурас-Ордо конушунун изделип жаткан 69 жаштагы тургунунун сөөгү Чоң Чүй каналынан табылды. Бул тууралуу ӨКМден кабарлашты.

Эске салсак, А.А. атуу аял 23-январь күнү аталган конуштагы үйүнөн чыгып кеткен бойдон кайтып келген эмес. 24-январда аялдын кийимдери Калыс-Ордо конушунда Чоң Чүй каналындагы көпүрөнүн алдынан табылган. Аны милиция менен куткаруучулар издеп жаткан.

“Бүгүн жеринде төрт куткаруучу издөө иштерин жүргүзүп, натыйжада аялдын сөөгүн суудан табышты”, — деп айтылат билдирүүдө.