Казакстандын мурдагы Коргоо министри Мурат Бектанов январь окуясына байланыштуу 12 жылга эркинен ажыратылды. Бул тууралуу казак маалымат каражаттары жазып чыгышты.
«Бектанов Кылмыш иштери боюнча адистештирилген райондор аралык аскер сотунун 2023-жылдын 24-февралындагы өкүмү менен Казакстан Республикасынын Кылмыш-жаза кодексинин 451-беренесинин 3-бөлүгү (кызмат абалынан кыянаттык менен пайдалануу) менен күнөөлүү деп табылып, 12 жылга эркинен ажыратылган. Ал жазаны күчөтүлгөн тартиптеги абакта өтөйт», - деп айтылат билдирүүдө.
Эске салсак, Касым-Жомарт Токаев январь окуяларынан кийин Бектановду кызматтан алган. 19-февралда ага карата кылмыш иши козголуп кармалган.
Пикирлер (0)
Пикир жок. Сиз биринчилерден болушуңуз мүмкүн