Мурдагы ички иштер министри Абдулда Суранчиев “Альфа Телекомду” жетектейт

Мурдагы ички иштер министри Абдулда Суранчиев “Альфа Телеком” (Мегаком) мамлекеттик ишканасынын жетекчисинин милдетин аткара баштады.

Суранчиев 2013-2014-жылдары ички иштер министри болуп эмгектенген. Соңку жылдары ал “Альфа Телеком” компаниясынын башкы директорунун биринчи орун басары болуп келген.

“Альфа Телекомду” 2018-жылдан бери жетектеп келаткан Акылбек Жамангулов “Биримдик” партиясын октябрда өтчү парламенттик шайлоого жетектеп барат, ал 19-августта кызматын тапшырган.