Нарын дарыясына түшүп кеткен 14 жаштагы кыздын денеси табылды

Нарын дарыясына түшүп кеткен 14 жаштагы кыздын денеси табылды. Бул тууралуу ӨКМнын басма сөз кызматы билдирди.

8-ноябрь күнү саат 17:41де 102 кызматынан Тогуз-Торо району, Кара-Суу айылындагы Нарын дарыясына Табылгыты айылынын жашоочусу 2007-ж.т. Б.кызы Д. аттуу кыз сууга түшүп кеткендиги тууралуу маалымат түшкөн. Кеч киргендигине байланыштуу издөө иштери токтотулуп, бүгүн 9-ноябрь күнү улантылды.

Аткарылган иш-чаралар: Тогуз-Торо райондук №46 ӨКБнөн 16 куткаруучу, РИИБден 15 кызматкер, Сары-Булуң айыл аймагынан 36(6 адам ат менен) адам, туугандарынан 2 адам, жалпы 69 адам саат 08:28де жерине жетишип, Коён-Токой тилкесинен Дүкүр тилкесине чейинки аралыкта Нарын дарыясынын эки жак жээгинде 2 топко бөлүнүшүп издөө иштерин жүргүзүштү.

Саат 10:45те Б.кызы Д.нын жансыз денеси Сары-Булуң айыл аймагында, Нарын дарыясынан куткаруучулар жана жергиликтүү тургундар тарабынан табылып, туугандарына өткөрүлүп берилди.