Нарын дарыясына түшүп кеткен 9 жаштагы баланы издөө иштери уланууда

Нарын дарыясына түшүп кеткен баланы издөө иштери улантылууда. Бул тууралуу Өзгөчө кырдаалдар министрлигинин басма сөз кызматы билдирет.

Маалыматка ылайык, 7-март күнү Нарын районунун Орто-Нура айылында Нарын дарыясына 2014-жылы туулган Т.Т. аттуу бала түшүп кеткен.

Издөө иштерин жүргүзүү үчүн ӨКМден 28 куткаруучу, ИИМден 16 кызматкер жана жергиликтүү тургундардан 30 адам тартылып, саат 19:05те издөө иштери токтотулду. Натыйжа болгон жок.

Бүгүн, 11-март күнү издөө иштери улантылат.