Ноокатта “Hyundai Porter” үлгүсүндөгү унаа толугу менен күйгөн

Ноокат районунда “Hyundai Porter” үлгүсүндөгү унаа толугу менен күйгөн. Бул тууралуу Өзгөчө кырдаалдар министрлигинин басма сөз кызматы билдирди.

10-ноябрь күнү Ноокат районунун Зулпуев айылында Ош-Баткен-Раззаков  унаа жолунун 24-25- чакырымында унаадан өрт чыккандыгы тууралуу маалымат түшкөн.

Жерине №71 ӨКБдан бир өрт өчүрүүчү бөлүм тартылып, саат 14:15 өрт чектөөгө алынып, толук саат 17:27 өчүрүлдү.

Өрттүн кесепетинен  “Hyundai Porter” үлгүсүндөгү унаа толугу менен күйгөн. Жабыркагандар жок. 

Өрттүн келип чыгуу себеби такталууда.