Ноокат районунун Байыш айылынын Көк-Бел көчөсүндө Mercedes-Benz Sprinter үлгүсүндөгү унааны айдоочусу рулду башкара албай жолдон чыгып сарайды сүзгөн. Кырсыктын кесепетинен бир киши каза болуп, бир киши жаракат алган. Бул тууралуу Өзгөчө кырдаалдар минстрлигинин басма сөз кызматы билдирди.
Кырсыктан 1988-жылы туулган М.Н. аттуу эркек киши каза болуп жана бир эркек киши (аты-жөнү такталууда) жабыркаган.
Куткаруучулар каза болгон жарандын сөөгүн унаадан чыгарып, туугандарына өткөрүп беришкен. Ал эми жабыркаган жаранды тез жардам кызматы ооруканага алып кеткен. Жерине 4 куткаруучу тартылган.
Пикирлер (0)
Пикир жок. Сиз биринчилерден болушуңуз мүмкүн