Ош-Раззаков жолунда жеңил унаа күйүп кетти

6-июнь күнү Ош-Раззаков жолунда жеңил унаа күйүп кетти. Бул тууралуу Өзгөчө кырдаалдар министрлигинин маалымат кызматы билдирет.

Кадамжай районунун аймагындагы Ош-Исфана унаа жолунун болжолдуу 120-чакырымында АСJ Хундай аванте үлгүсүндөгү авто унаа өрттөнүп жаткандыгы тууралуу маалымат келип түшкөн.

Тилсиз жоо менен күрөшүүгө №76 Өрткө каршы куткаруу бөлүмүнөн тартылган 3 куткаруучу тарабынан саат 16:22де өрт чектөөгө алынып, саат 16:30да толугу менен өчүрүлгөн. 

Тилекке каршы унаа толугу менен өрттөнүп кеткен. Бактыга жараша адам өмүрүнө зыян келген эмес.

Өрттүн себеби такталууда.