Ош шаарындагы "Келечек" базарынан өрт чыкты

Ош шаары, Масалиев көчөсүндө жайгашкан Келечек базарынын аймагында саат 00:21 чамасында, ашканадан өрт чыккандыгы тууралуу маалымат түшкөн. Бул тууралуу ӨКМнын басма сөз кызматы билдирди.

Өрттү өчүрүүгө КР ӨКМнин жалпы 7 өрт өчүрүүчү бөлүм, ӨКМдин ККББдан ыкчам топ. Мындан сырткары электр тармагы кызматынан 1 бригада жана ИИМнин кызматкерлери тартылды.

Өрт саат 01:13тө чектөөгө алынып, саат 03:37де толук өчүрүлдү.

Натыйжада ашкана, токардык цех, кийим сатуучу дүкөн, азык-түлүк дүкөнү, текстиль дүкөнү жана жаңы курулуп жаткан дүкөндүн чатыры күйдү.

Өрттүн кесепетинен болжол менен 700 ч.м. аянт күйдү. Жабыркагандар жок. 

Өрттүн келип чыгуу себеби учурда такталууда.