Ошто 11-кабаттан боюн таштоого аракет кылган 17 жаштагы кыз куткарылды

12-майда Ош шаарында көп кабаттуу үйдөн боюн таштоого аракет кылган 17 жаштагы кыз куткарылды. Бул тууралуу ӨКМнын басма сөз кызматы кабарлады.

Масалиев көчөсүндө курулуп жаткан көп кабаттуу үйдүн 11-кабатында 17 жаштагы К.А. аттуу кыз киши өз өмүрүн кыюуга аракет кылып жаткандыгы тууралуу маалымат 112 кызматына түшкөн. 

Жерине Ош шаардык Куткаруу кызматынан 4 куткаруучу тартылып, аталган кызды түшүрүп, алгачкы медициналык жардам көрсөтүшкөн. Андан соң ИИМ кызматкерлерине өткөрүп беришкен.