Ошто 5 партия шайлоо жыйынтыгын жокко чыгарууну талап кылышууда

Ош шаарында кайрадан өткөн шаардык кеңештин шайлоосунун жыйынтыгына 5 партия нааразылыгын билдирүүдө. Бул тууралуу "Азаттык" үналгысы жазды.

Маалыматка караганда, шайлоо жыйынтыгына нааразы болуп, "Ынтымак", "Нур", "Улуу Журт", "Бүтүн Кыргызстан" жана "Келечек-Будущее" партиясы арыз жазган.

Алар шайлоо таза өтпөгөнүн, сатып алуулар болгонун жана административдик ресурс колдонулганын жүйө келтирген.

Алар шайлоо таза, ачык-айкын өтпөгөндүгүнө байланыштуу шайлоо жыйынтыгын жокко чыгарууну талап кылышууда.