Ош облусунда сел кесепеттерин жоюуга 500дөн ашуун адам, 80ден ашуун техника тартылды.
Өзгөчө кырдаалдар министрлигинен билдиришкендей, облус аймагында 20-21-апрелде нөшөрлөп жааган жамгырдан улам сел жүргөн. Селдин кесепетинен 1 адам каза болуп, үйлөрдү суу каптап, унаа жолдор жабылган.
Учурда селдин кесепеттерин жоюуга 508 адам, 82 техника тартылып, жеринде иш алып барууда.
Эскерте кетсек, сел кесепеттерин жоюу, кечиктирилгис иш-чараларды өз убагында аткаруу үчүн президенттин Ош облусундагы ыйгарым укуктуу өкүлү 21-апрелде облус аймагына өзгөчө кырдаал режимин киргизген.
Пикирлер (0)
Пикир жок. Сиз биринчилерден болушуңуз мүмкүн