Ошто тигүүчү цехтен өрт чыгып, 3 адам күйүк алды

Ошто тигүүчү цехтен өрт чыгып, 3 адам күйүк алды. Бул тууралуу ӨКМнын басма сөз кызматы билдирди.

Ош шаары, Касымбеков көчөсүндө жайгашкан жеке менчик цехтен өрт чыккандыгы тууралуу маалымат түшкөн.  

Өрттү өчүрүүгө Ош шаардык №13 ӨКБдан 1 бөлүм тартылган, саат 09:38де чектөөгө алынган, 10:02де толук өчүрүлдү. Натыйжада 16 чарчы метр кара смола күйдү.

Өрттүн кесепетинен 3 эркек киши 1973-жылы туулган Ж.Н., 1991-жылы туулган Р. Н., 1976-жылы туулган С.А.денелеринен күйүк алып облустук ооруканага тез жардам кызматы аркылуу жеткирилди, абалдары канааттандырарлык.

Учурда өрттүн себеби такталууда.