Ошто опузалап акча талап кылган эки адам кармалды. Бул тууралуу Ички иштер министрлигинин басма сөз кызматы билдирди.
Маалыматка ылайык, алар коркутуу жолу менен жергиликтүү тургундан 2 миң доллар талап кылышкан.
«Шектүүлөр жабырдануучуну «Хонда Фит» унаасына салып, асфальт-бетон заводунун аймагына алып барышып, күч колдонуу менен 600 долларды алып кетишкен. Калган сумманы даярдап берүүнү талап кылышкан», - деп айтылат маалыматта.
Иликтөө иштеринин жүрүшүндө 1991-жылы туулган эки адам кармалган. Алар Ош шаарындагы убактылуу кармоочу жайга киргизилген. Учурда кармалгандар тарабынан акча талап кылуунун башка фактыларын аныктоо боюнча иш-чаралар жүргүзүлүүдө.
Пикирлер (0)
Пикир жок. Сиз биринчилерден болушуңуз мүмкүн