Оштун мурдагы жетекчиси Узарбек Жылкыбаев “Республика” партиясына кошулду

Узарбек Жылкыбаев "Республика" партиясынын тизмеси менен шайлоого аттанат. Бул тууралуу партия расмий билдирүү таркатты.

Өкмөттүн Ош жана Ысык-Көл облустарындагы мурдагы өкүлү, Жогорку Кеңештин экс-депутаты Узарбек Жылкыбаев парламенттик шайлоого "Республика" партиясынын тизмеси менен бараарын жаштар менен жолугушуу учурунда расмий түрдө жарыялаган.

“Узарбек Жылкыбаевге окшогон жаш, күчтүү, тажырыйбалуу саясатчылардын биздин командага кошулуусу - бул жаңы күч, жаңы идеялар ошондой эле, өлкөбүдүн жана партиябыздын өнүгүшүнө импульс берет”, - деп айтылат маалыматта.

Буга чейин, өкмөттүн Ош облусундагы ыйгарым укуктуу өкүлү Узарбек Жылкыбаев кызматынан кеткени маалымдалган. Анын ордуна убактылуу Байыш Юсупов дайындалган.