Учурда социалдык тармактарда: "Пенсиянын өлчөмү 65%га көтөрүлөт. 5723 сомдон 9443 сомго чейин көтөрүлөт. Мындай жарлыкка президенттин м.а. Садыр Жапаров кол койду. Жарлык 2020-жылдын 1-декабрынан күчүнө кирет", - деген маалымат тарап жүрөт.
Бул боюнча президенттик аппараттын маалыматтык саясат бөлүмү билдирүү таратты.
Билдирүүдө бул маалымат чындыкка дал келбейт деп айтылат. "Бул маалымат чындыкка дал келбейт жана жалган. Үстүбүздөгү жылы Социалдык фонд пенсияны 7 пайызга көтөрүүнү пландап жатат. Бул максаттар үчүн бюджеттен 3 миллиард сом өлчөмүндө каражат талап кылынат”, - деп айтылат маалыматта.
Пикирлер (1)