Президент Садыр Жапаров Ысык-Көл облусунун Түп районунун мамлекеттик администрациясынын жетекчиси аким Каныбек Адиевге сөгүш берди. Бул тууралуу мамлекет башчынын маалымат катчысы Эрбол Султанбаев маалымдады.
Президент Түп айыл өкмөтүнүн башчысына да сөгүш берүүнү тапшырган. Буга кышында жолго себилген кумдарды жана жол жээгиндеги таштандыларды алып чыкпаганы себеп болгону айтылды. Мындай көрүнүшкө айрыкча туристтик маалдын алдында жол берилбеш керектиги белгиленди.
"Бул жергиликтүү бийликтин бардык жетекчилери үчүн эскертүү. Президент Жапаров туристтик сезонго даярдыкты шаарларда, район борборлорундагы, өзгөчө борбордук көчөлөрдөгү тазалыктын сакталышын күтүүсүз текшерүүгө алат", — деп айтылган билдирүүдө.
Пикирлер (0)
Пикир жок. Сиз биринчилерден болушуңуз мүмкүн