Президентке жолугуу үчүн. 2 ай мурда чек араны чечүүнү суранган Көк-Таштык жаш бала Бишкекке келди (видео)

Мындан эки ай мурда "Садыр Жапаров чек араны чечип бериңиз. Чек арада жашагандан коркобуз. Уктабай чыгабыз" деген жаш бала Баткенде чек арадагы окуялардан кийин Бишкекке келди.  Бул тууралуу "Супер.тв" билдирди. 

Баланын айтымында, ал чек арада жашагысы келбей калган. 

"Бишкекке Садыр Жапаров менен жолугушуу үчүн келдим. Менин атамды тажиктер Россияда каматып койгон. Атамды чыгарып берсин. Түрмөдө отурса да Кыргызстанда отурса болду. 

Окуя башталардан мурда биз мектепке кеткен элек. Кийин энем айтты тажиктердин аскерлери мурда эле даярданып баштаган экен. Алар келип аялдар менен балдарды көчүрүп, аскерлери үйлөрдө жашынып отуруптур. 

Мен президенттен суранат элем чек араны чечип бериңиз. Атам чек араны коргогону үчүн камалып отурат. Кичине иним дагы күндө "атамды сагындым" деп ыйлайт",- деди Көк-Таш айылынын жаш тургуну.