Президенттин аппаратында Москвадан делегация келгенден кийин эпидемиологиялык иликтөө жүргүзүлөт. Бул тууралуу Мамлекеттик санитардык-эпидемиологиялык борборунан 24-июнда билдиришти.
"Жыйын өткөрүлүп, анын жүрүшүндө тиешелүү чаралар көрүлөт. Иштер Саламаттыкты сактоо министрлигинин алгоритмине ылайык жүргүзүлөт", - деп билдиришти борбордон.
Президент Сооронбай Жээнбеков жана аны Москвага коштоп баргандар Бишкекке кайтып келишкенден кийин 14 күн обочолонууда болушат. Анткени делегациянын курамындагы эки адамдан коронавирус инфекциясы аныкталган.
Пикирлер (0)
Пикир жок. Сиз биринчилерден болушуңуз мүмкүн