Иликтөөчү журналист Болот Темиров мигранттардын акчасын кагып алып жаткан шылуундар жөнүндө иликтөө жүргүзгөн. Бул тууралуу анын социлдык баракчасына видео жарыяланды.
Иликтөөдөн байкалгандай, Россияга жумуш издеп жөнөгөн жарандарды Кыргызстандагы ортомчу шылуун фирмалар "Основание" деп аталган жасалма документ алыш үчүн кеминде 6500 сомго сындырат экен. Мындан сырткары, медициналык көрсөтмө жазылган документти алуу үчүн жок дегенде 5500 сом төлөйт.
Журналисттер ортомчу шылуундар менен байланышканда алар керек болсо текшерүүдөн кантип өтүү керек экендигин да түшүндүрүп берген.
Россияга барып алган мигранттар ал жасалма документтердин кереги да жок экенин айтышып, бармагын тиштегендер көп.
Пикирлер (0)
Пикир жок. Сиз биринчилерден болушуңуз мүмкүн