С.Жээнбеков менен сүйлөшкөн жокмун, бирок ал тарыхый кадам жасады, - Бабанов

Мен Сооронбай Жээнбеков менен сүйлөшкөн жокмун. Бул тууралуу Өмүрбек Бабанов 9-октябрда Бишкек шаарындагы маалымат жыйында билдирди.

“Президент арыз жазып, кызматын тапшырам дегени тарыхый кадам болду. Бул Кыргызстанда биринчи жолу болуп жатат. Мен анын мындай кадамын туура деп эсептейм”, - деди Бабанов.

Ошондой эле, ал бүгүн парламентти чакырып, өкмөт мүчөлөрүн бекитүү жүргүзөлүн билдирди.

"Депутаттардын коопсуздугун камсыз кылуу менен аларды парламентке чакырышыбыз керек. Депутаттар кааласа төрт партия сунуштаган талапкерлерди колдошот. Болбосо, алар башка талапкерлерди сунушташат", - деди Бабанов.