Сокулукта куткаруучулар трактор күйгөнүнө карабастан, 5000 түк чөптү өрттөн сактап калды. Бул тууралуу Өзгөчө кырдаалдар министрлигинин басма сөз кызматы билдирди.
5-сентябрь күнү Сокулук району, Жаңы-Пахта айылындагы сүт-азык-түлүк фермасында (МТФ) ачык аянтта жыйылып турган 600 түктөн 200 түк чөп күйүп кетти. Андан сырткары трактор жана пресс-подпорщик күйүп, сарайдын бастырмасындагы 5000 түк чөптүн күйүп кетүү коркунучу пайда болгон. Бирок өрт өчүрүүчүлөр өрттү чектөөгө алып, 5000 түк чөптү сактап калышты.
Өрт саат 17:40та чектөөгө алынып, саат 18:50дө толук өчүрүлдү.
Өрттүн келип чыгуу себеби такталууда. Жабыркагандар жок.
Пикирлер (0)
Пикир жок. Сиз биринчилерден болушуңуз мүмкүн