Депутат Мейкинбек Абдалиев кыргыз сому түздөн-түз Кумтөрдөн көз каранды деп мурунку президент Аскар Акаев айтыптыр, ошол чынбы, деп бүгүн, 19-майда, Жогорку Кеңештин жыйынында сурады.
Улуттук банктын башчысы Толкунбек Абдыгулов андай эмес экенин билдирди. Анын айтымында, улуттук валюта эркин сүзүү режиминде, ошондуктан бир нерсеге, өзгөчө Кумтөр компаниясына байланыштуу болуусу мүмкүн эмес, деп жооп кайтарды.
"Демек, экс-президент калп айткан болуп калабы? Алдыда боло турган Кумтөр боюнча соттук тескөөлөр сомдун туруктуулугуна таасир этпейт, деп кепилдик бере аласызбы?" - деп депутат сурады.
"Сомдун кунуна түздөн-түз таасир этпейт, бирок кыйыр түрдө таасир этиши мүмкүн - чет элдик инвестициялардын агымы, акчалай которуулар, ички капиталдын агымы, экономиканын абалы. Андан тышкары, АКШнин жүргүзгөн акча саясатына байланыштуу сырткы факторлор да бар. Бирок биз бул кесепеттерге даярбыз", - деди ал
Пикирлер (1)