10-февралда Жогорку Кеңештин депутаты Жеңишбек Токторбаев Айыл чарба министрлигинин ишин сынга алып, министрликти жоюп салууну сунуштады.
Депутат бүгүнкү күндө дыйкандар менен фермерлер министрликсиз эле өз иштерин алып барууда.
"Бул министрлик союз мезгилинен калган. Ал убакта 10 миллион кой, 2,5 миллион кара мал бар эле. Ал кезде министрлик керек болгон. Бүгүнкү күндө Айыл чарба министрлигинин дыйкандар менен фермерлерге зыяны тийбесе пайдасы тийген жок.
Былтыркы жылы жок жерден мамлекетти 78 миллионго зыянга учураттыңар. Силердин селитра келгенче дыйкандардын эгини бышты.
Бул министрликти же департамент кылып салыш керек же биротоло жоюш керек ",- деди эл өкүлү.
Пикирлер (31)