Сузакта сарай өрттөнүп, 1000 түк чөп, 12 кой жана 1 торпок күйгөн

Сузакта сарай өрттөнүп, 1000 түк чөп, 12 кой жана 1 торпок күйгөн. Бул тууралуу ӨКМнын басма сөз кызматы билдирди.

1-декабрь күнү Сузак районуна караштуу Кара-Алма айылында жайгашкан мал сарайдын чатыры күйүүдө деген маалымат саат 23:50дө түшкөн. 

Жерине №59 ӨКБнүн бир өрт өчүрүүчү бөлүмү тартылып, аталган жай 01:19да курчоого алынып, бүгүн саат 08:01де толугу менен өчүрүлдү. 

Жалпысынан сарайдын 192 чарчы метр аянты күйгөн. 

Келтирилген чыгымдар 12 баш кой, 1 баш торпок, 1000 түк чөп жана 600 боо жүгөрү бакалы күйгөн.

Өрттүн чыгуу себептери учурда такталууда.