Сузакта турак үй менен унаа өрттөнүп кетти

Сузакта турак үй менен унаа өрттөнүп кетти. Бул тууралуу ӨКМнын басма сөз кызматы кабарлады.

Сузак району, Сузак а/а, Ынтымак айылы, Мал Базар көчөсүндө жайгашкан тунике жабылган турак үйдүн 78 ч.м. чатыры, 1 сыналгы, 1 муздаткыч жана “Subaru Forester” үлгүсүндөгү унаа толугу менен күйгөн. 

Өрттү өчүрүүгө жалпы төрт өчүрүүчү унаа тартылып, саат 04:06 өрт чектөөгө алынып жана таңкы саат 06:15 толук өчүрүлдү. Өрттүн кесепетинен жабыркагандар жок, учурда өрттүн себеби такталууда.