Өлкөдө талаптарга жооп бербеген айдоочуларды даярдоочу 18 мектеп жабылды. Бул тууралуу Жол кыймылынын коопсуздугун камсыздоо бөлүмүнөн билдиришти.
Маалыматка ылайык, аталган мекеменин кызматкерлери тарабынан айдоочуларды даярдоочу 142 мектептин ишмердүүлүгү текшерилип, анын ичинен 111 мектепке эскертмелер берилди.
Текшерилген айдоочуларды даярдоочу мектептерден 13 эле автомектеп лицензиянын талаптарын жооп берет, ал эми 47 автомектептин жооптуу кызматкерлерине айыптар салынып, лицензиялык талапка жооп бербеген 18 автомектеп жабылды. Өлкө боюнча айдоочуларды даярдоочу 272 мектепке лицензия берилген жана учурунда жүргүзүлгөн текшерүүлөрдө толук кандуу чаралар көрүлгөн эмес.
Пикирлер (0)
Пикир жок. Сиз биринчилерден болушуңуз мүмкүн