Таласта кош бойлуу болуп калган 13 жаштагы кыз өгөй атасы тарабынан зордукталган

Таласта 13 жашар кызын өгөй атасы зордуктаганын айтып аял милицияга арыз жазды. Бул тууралуу  облустук милициянын басма сөз кызматы билдирди.

Маалым болгондой, 8-февраль күнү Кара-Буура РИИБине 40 жаштагы А.Н. аттуу аял арыз менен кайрылган. Анда биринчи никеден төрөлгөн 13 жашар кызын учурда чогуу жашап жаткан күйөөсү күч колдонуу менен зордуктап, анын кесепетинен кызы 26 жумалык боюнда бар экенин билдирген.

Аталган факты кылмыштардын бирдиктүү реестрине катталып, кылмыш иши козголуп, иликтөө иштери башталган. Ал аялдын 45 жаштагы күйөөсү кармалып, убактылуу кармоочу жайга киргизилген.

Тергөө кызматы тарабынан тийиштүү экспертизалар дайындалып, тергөө амалдары жүрүп жатат.