Таласта жеңил унаа менен жүк ташуучу унаа кагылышып, 8 адам каза болду

Таласта жол кырсыгынан сегиз адам каза болду, - деп билдирет КР ӨКМдин маалымат кызматы.

Билдирүүгө ылайык, 15-октябрда болжол менен саат 22:54 чамасында Суусамыр-Талас-Тараз унаа жолунун 61-чакырымында (Кара-Ой айылы) "Хонда-Степвагон" менен "ДАФ" үлгүсүндөгү оор жүк ташуучу унаалар жол кырсыгына кабылган.

Кырсыктын кесепетинен 7 эркек жана бир аял каза болгон.

Жерине төрт куткаруучу тартылып, каза болгондорду унаадан чыгарып, ИИМ кызматкерлерине өткөрүп беришкен.