Тарыхта алгачкы жолу кара терилүү аял эл аралык космос станциясына учат

АКШнын Космостук агенттиги - NASA кабарлагандай, астронавт Жанетт Эппс 2021-жылы эки кесиптеши менен Эл аралык космос станциясына учат. 

Маалыматка таянсак, Нью-Йоркто жашаган 49 жаштагы Эппс тарыхта алгачкы  ирет аталган станцияда иштеген кара терилүү аял болот.

Эске салсак, 2000-жылы аэрокосмикалык техника боюнча доктор макамын алган Эппс космоско 2018-жылы учмак. Бирок учууга бир ай калганда кандайдыр бир белгисиз себептен улам орду башка адиске алмаштырылган эле. 

Жанетт Эппс Эл аралык космос станциясына "Boeing CST-100 Starliner" кемесинде чыгаары айтылган.