Баткен районунун Көк-Таш жана Ак-Сай айылдарын бириктирген Ак-Суу дарыясындагы 36 метрлик көпүрө убактылуу өтмөккө ачылды. Бул тууралуу Транспорт жана коммуникация министрлигинен кабарлашты.
Маалыматка ылайык, көпүрөдөн өтүү үчүн жүк ташуучу жана жеңил унааларга уруксат берилди.
Көпүрөнү толук оңдоо иштери үчүн бюджеттен акча каражат бөлүнөт. Баткен облусунда Тажикстан тарабынан зыян келтирилген жолдорду оңдоо иштери менен Таабалды Тиллаев иш алып барууда.
Эске салсак, 16-сентябрда Ак-Сай айылынын жолундагы 36 метрлик көпүрө Тажикстан тарабынан жардырылган.
Пикирлер (0)
Пикир жок. Сиз биринчилерден болушуңуз мүмкүн