Толкунбек Абдыгулов кайсы кызматка барары белгилүү болду

Улуттук банктын төрагалыгынан кетип жаткан Толкунбек Абдыгуловдун кайсы кызматка барары белгилүү болду. Ал Жогорку Кеңештин  жыйынында депутат Наталья Никитенконун суроосуна жооп берип жатып Эл аралык валюта фондуна Кыргызстандын атынан кеңешчи болуп барарын айтты.

"Мен айткандай президент мага башка кызмат сунуштады. Кайсы кызматка барарым белгисиз болуп жаткан. Бирок азыр эле маалымат беришти. Мен президенттин буйругу менен Эл аралык валюта фондуна Кыргызстандын атынан кеңешчи болуп барам",-деди Абдыгулов.