Тойго келгенби? Депутаттар министрлердин Жогорку Кеңештин жыйынына келбегенине нааразылык билдирди

Бүгүн, 22-декабрда Жогорку Кеңештин жыйынында республикалык бюджет жөнүндө мыйзам үчүнчү окууда каралууда.

Жыйында бир топ министрлердин жоктугу депутаттардын нааразылыгына себеп болду.

Депутат Сүйүн Өмүрзаков: "Бир жума мурда бир күн кечке ыш маселесин карадык. Министр Динара Кутманова жооп берем деген бойдон кеткен. Бүгүн да жок. Же жазуу түрүндө жооп бербейт. Келип ышты аныктоочу аппаратар тууралуу маалымат берсин",- деди.

Ал эми эл өкүлү Айбек Осмонов Билим берүү жана илим министрине бериле турган суроолор жоопсуз каларын айтты.

Ошондой эле Мирлан Самыйкожо Маданият министринин жыйынга келбегени тууралуу: "Маданият министринин менен бюджетке тиешеси жокпу же бюджеттин Маданият министрлигине тиешеси жокпу",- деген суроо койду.