Түндө Бишкек-Ош жолуна түшкөн көчкү тазаланып, жол ачылды

Төө-Ашууга түшкөн кар толугу менен тазаланып каттам ачылды. Бул тууралуу Өзгөчө кырдаалдар министрлигинин басма сөз кызматы билдирди.

Кечээ Чүй облусуна караштуу Жайыл районунун Бишкек — Ош унаа жолунун 134-135-чакырымындагы Көлбаев атындагы тоннелдин түштүк тарабында болжол менен 4000м³ кар көчкү түшүп, унаа жолу жабылган.

Жерине Жайыл райондук ӨК бөлүмүнүнөн ыкчам топ ӨКМдин Бишкек — Ош унаа жолунун 154-чакырымында жайгашкан КДМБдан 3 куткаруучу тартылган.

Тазалоо иштерин жүргүзүүгө №9 ЖТИден 1 жүктөгүч, 2 грейдер тартылып, түнкү саат 00:15те унаа жол толугу менен тазаланып эки тараптуу ачылды.