Түндүк-Түштүк жолунун 1 километрине 2,5 млн доллардай каражат кетет

Түндүк-Түштүк альтернативалык жолунун курулушун иликтөө боюнча түзүлгөн депутаттык комиссия Транспорт министрлигинин маалыматын укту. 

Жыйындын жүрүшүндө депутат Акыл Кемелов Түндүк-Түштүк жолунун 1 километрин куруу үчүн канча каражат кетерин сурады. 

"Алгачкы жолу жол салынып жаткан жер болсо 2,4 миллион доллар кетет. Ал эми салынган жол болуп, аны реконструкциялоо керек болсо 1 миллион доллардан ашык кетет",- деди министрликтин өкүлү.