Түнкү рейд учурунда жашы жетелек 12 өспүрүм кармалды (фото)

Компютердик клубдарга болгон түнкү рейд учурунда 12 өспүрүм кармалды. Бул тууралуу Шаар мэриясынан кабарлашты.

Маалыматка ылайык, Ленин райондук акимиаты, милиция кызматкерлери, социалдык кызматкерлер жана билим берүү мекемесинин кызматкерлери 22 компютердик клубдарды кыдырган. Жыйынтыгында жашы жетелек 12 өспүрүм оюн залында ойноп отурган жеринен табылган.

12 баланын алтоосун ата-энелерине өткөзүп берип, калган 6 өспүрүм ИИМдин Коомдук коопсуздук кызматынын Жашы жете электердин арасында укук бузууларды алдын алуу борборуна абалды тактоого чейин жеткирилген.

Ошондой эле, компьютердик клубдардын ээлери менен сүйлөшүүлөр жүрүп, 22:00дөн кийин жашы жете электерди киргизбөө керек экендигин түшүндүрүлгөн.