Түркияда сойкулук менен алектенген Өзбекстан жана Кыргызстандын жарандары кармалды

Түркиянын Ялова шаарында сойкулук менен алектенген Өзбекстан жана Кыргызстандын жарандары кармалды.

Түрк басылмаларынын маалыматына караганда, сойкулукка бөгөт коюу боюнча жүргүзүлгөн операция учурунда Кыргызстандан жана Өзбекстандан барган 10 аял жана 14 эркек кармалган. Күч кызматкерлеринин айтымында, алардын төртөө мамлекеттик кызматкерлер.

Полиция сойкукананы эки ай бою көзөмөлдөгөн. Сойкулар чакырылган даректерге барып эле эмес, мектеп автобустарында да кызмат көрсөткөнү белгилүү болгон.

Мындан тышкары, 19 жаштагы кыргызстандык кыз боюнан алдырганы, бирок кайра эле сойкулук менен алектенип жүргөнү аныкталган.

Шектүүлөрдүн үйлөрүн тинтүү учурунда:

- тапанча;

- 6 ок;

- жарым автоматтык мылтык;

- 12 калибрдеги 7 ок;

- документтер;

- жана башка кылмыштуу жол менен алынган буюмдар табылган.