УКМК күз-кыш мезгилине карата "Кыргызкөмүрдүн" Кара-Кече филиалына "Альфа" атайын бөлүгүнүн 12 кызматкерин берди. Бул тууралуу ишкананын директору Мирлан Жакыпов бүгүн, 5 -октябрда Биринчи радионун эфиринде айтты.
Жакыповдун айтымында, ал жакында эле мамлекет башчысы менен жолуккан. Алар жер-жерлерде коопсуздук маселелерин талкуулашты. Жакыпов беш күн мурун "Альфа" атайын кызматынын жоокерлери "Кыргызкөмүр" мекемесин кайтарууга жөнөтүлгөнүн айтты.
"Мамлекет башчысы менен Камчыбек Ташиев мага "Альфа" офицерлерин бөлүп беришти. 12 атайын кызматтын офицерлери биздин коопсуздук кызматынын 20 кызматкери менен бирге объектини курал менен кайтарууда", - деди ал.
Мындан тышкары, “Кыргызкөмүр” ишканасынын Кара-Кече филиалына видеобайкоо камералары орнотулду.
Белгилей кетсек, Альфанын негизги милдети - коомдук-саясий кырдаалды туруксуздаштырууга, конституциялык түзүлүштү күч менен өзгөртүүгө жана мыйзамдуу түрдө шайланган өкмөттү кулатууга, кол салууга багытталган экстремисттик мүнөздөгү террордук актыларды, баш аламандыктарды жана кылмыштарды алдын алуу жана бөгөт коюу боюнча ыкчам-издөө иштери жүргүзүү болуп саналат.
Пикирлер (0)
Пикир жок. Сиз биринчилерден болушуңуз мүмкүн